Metro Bilbao, garraio jasangarriaren eredua NBEn

Metro Bilbaok bat egin zuen errespetuzko mugikortasunaren aldeko bultzada globalarekin, Nazio Batuen Erakundearen Garraio Jasangarrirako Hamarkada (2026-2035) indarrean sartu zenean; horren helburua da mugikortasun publikoa Garapen Jasangarriaren Helburuak (GJH) lortzeko funtsezko tresna gisa kokatzea. Gure Bezeroen eta Gizarte Berrikuntzaren zuzendari Susana Palominok azpimarratu zuenez, nazioarteko esparru honek aitortu egiten du garraio publikoek garapen jasangarrian jokatzen duen rola.

New Yorken emandako hitzaldian, gogoratu zuen Metro Bilbaoren bide-orriak barne hartzen duela tren berriak txertatzea eta seinaleztapen-sistemak modernizatzea, zerbitzu irisgarriagoa eta efizienteagoa eskaintzeko, maiztasun handiagoz. “Inbertsio horiek konpromiso irmo bat islatzen dute etorkizuneko belaunaldiei mugikortasun jasangarria bermatzeko”.

Nazio Batuen Garapen Jasangarriagorako Hamarkada Inplementatzeko Plana funtsezko tresna izango da garraio-sistema jasangarri, inklusibo eta erresilienteagoetara zuzendutako ahaleginak orientatzeko. Lankidetza sustatuz, baliabideak mobilizatuz eta jarraipen eraginkorra bermatuz, planak garapen jasangarriaren funtseko garrantzia bistaratu dezake, eta oso lagungarria izan daiteke helburu hori eta GJH batzuk lortzeko.